المقال الرئيسي لإدارة السكري

 المقال الرئيسي لإدارة السكري  

المقال الرئيسي لإدارة السكري  هام جدا  لأي سكري في تعلم حساب النشويات , المقالات تقرأ بالترتيب لأنها أفكار ومعلومات مترتبه علي بعضها

نقرأ و نقرر الطريقة الأفضل حسب حياتك و أمكانياتك

مقدمة لحساب الطعام

• ارجعوا كده بالذاكره لايام ابتدائي لما كنا بناخد الهرم الغذائي ومكونات الطعام والمجموعات الغذائيه
• فاكرين كلمه نشويات وسكريات وبروتين ودهون والبان والمعادن و الفيتامينات ..فاكرين الكلام.ده
• كل ده لما بيتقسم كعناصر غذائيه بيصب في تلات حاجات رئيسيه ..كاربوهيدرات وبروتينات ودهون
• كل حاجه خلقها ربنا ما عدا اللحوم والميه فيها كاربوهيدرات ..
• طيب ليه النشويات (الكربوهيدرات) تهمنا ...لانها لما بتتهضم بتتحول الي جلوكوز وده اللي بيرفع مستوي سكر الدم
• اصلا اللي بنقيسه بالجهاز هو قد ايه جلوكوز في دمنا في اللحظه دي
• طيب يفرق معايا ايه الجلوكوز ده ...
• احنا جسمنا متكون من حاجات صغيره كده اسمها خلايا ..الخلايا دي في كل حته في جسمنا واعضائنا الحيويه ..
• الخليه دي غذاها هو الجلوكوز ..كل شغلتها في الحياه انها علشان تعيش،تاخد الجلوكوز من الدم كمصدر اساسي رئيسي للحياه والطاقه
• طيب ايه اللي بيدخل الجلوكوز جواها ..هرمون اسمه الانسولين ..وبيفرزه البنكرياس
• الانسولين ده موجود في دمنا علي طول بكميات بسيطه او وقت الاكل بكميات كبيره ..
• مهمته ان يمسك الجلوكوز ويروح للخليه يفتح باب اسمه مستقبلات الانسولين ..ويدخل منه الجلوكوز لجوه الخليه ..ساعتها الخليه ترتاح وتشتغل وتقول للدماغ انا شبعانه واخدت طاقتي خلاص
• يفضل الانسولين يلف شايل الجلوكوز علي كل الخلايا ..لما يخلصوا كلهم احتياجهم ..يروح الانسولين محول الجلوكوز الزياده ده لدهون ويخزنها علشان الجسم يستخدمها وقت ما يكون مافيش اكل ..
• دي علاقه النشويات (الكربوهيدرات) بالخلايا والانسولين والجلوكوز ...

 طيب انا عندي سكر.ده معناه ايه لحد بياخد انسولين

 انا بنكرياسي خلاص مش بيطلع انسولين ...وطول ما في جلوكوز في دمي هيكون مافيش حاجه تشيله وتدخله جوه الخلايا ...

يبقي انا دايما محتاج جرعه انسولين في دمي علي مدار ال 24 ساعه وده اسمه انسولين قاعدي

ووقت الاكل محتاج جرعه انسولين سريع صحيحه قبل الاكل بفتره مناسبه علشان تغطي ناتج هضم الاكل ده

 لماذا قبل الاكل بفتره مناسبه ؟

لان ربنا خالق الشخص الغير سكري ببنكرياس عنده القدره علي تخزين شويه انسولين اسمهم.انسولين المرحله الاولي ..دول مع اول لقمه بتحطها في الفم بيطلعوا في الدم علشان يلاحقوا ناتج هضم الاكل علي طول ..وبعد كده كل ما اكلك يتهضم.جزء يطلع انسولين.تاني علي مراحل مختلفه

احنا كسكرييين فقدنا ميزه انسولين المرحله الاولي ده وفقدنا الهرمون المنظم للهضم كمان ..يبقي مش قدامي غير ان العب بتوقيت حقن الانسولين والاكل بحيث احاول اخلي سرعه عمل الانسولين تتناسب مع سرعه الهضم.بتاع الاكل

 لماذا جرعه انسولين تصحيحه. و ماذا يعني تصحيح ؟

بالمنطق وبكل بساطه ..لو انا اكلي وكميه النشويات (الكربوهيدرات) اللي فيه تحتاج وحدتين انسولين سريع ..لو اخدت وحده واحده لاني مهتمتش احسب ...هيحصل ايه

الانسولين بيشيل علي قده ..الوحده هتدخل الكميه اللي تقدر عليها بس من الجلوكوز ..والباقي هيفضل في الدم ماشي يهري في جسمنا واعضائنا

طيب لو اديت تلات وحدات ...الانسولين هيدخل كل كميه الجلوكوز اللي هضمناها ..بس لسه في كميه انسولين ماشيه تدور علي جلوكوز تاني وتفضل تدخل وتسبب في هبوط يحصلنا

 من اين لي معرفة الجرعة الصحيحة ؟؟

علشان ادي جرعه اكل صح لازم اكون عارف التالي:

• تحليل قبل الوجبه
• سنأكل كم جرام كاربوهيدرات
• وحده الانسولين السريع بتقدر تغطي كام جرام كاربوهيدرات
• وحده الانسولين السريع بتنزل سكري كم لو انا سكري اعلي من 120 مج / دل

 من اين لي معرفة النشويات (الكربوهيدرات) في الاكل كيف و من اين ؟؟

في تخصص اسمه علوم التغذيه ..دي ناس حللت الاكل وعرفت في الكميه دي هتلاقي قد ايه جرام كاربوهيدرات وقد ايه بروتين وقد ايه دهون حسبوها بالجرام والملي والمعلقه والكوب

علشان استفيد من دقه حسابهم وبالتالي حساب جرعتي انا كمان يكون دقيق ..يبقي محتاج يكون عندي ميزان في البيت احط عليه اكلي واوزنه وارجع للجدول اعرف فيه قد ايه كاربوهيدرات , دي ادق واحسن واسلم طريقه

الطريقه اللي اقل منها دقه ..هي انهم جمعوا الاصناف اللي فيها نفس كميه النشويات (الكربوهيدرات) في جداول ..وسموا كل 15 جرام.كاربوهيدرات باسم.اسهل في التداول الا وهو " نقطه غذائيه "..

بس للاسف الجداول دي هتلاقيها كلها تقديريه ..زي تفاحه وسط او ربع رغيف عيش او كم حبه عنب ولا فراوله

العيش عندي غير عندكم ..حجم الفاكهه وتقديري ليه مختلف عنك..وهكذا ..ده سبب عدم دقتها ..لكن حل بديل

الطريقه الثالثه . ناكل بدون حساب وجرعه عشوائي وهذا خطأ ومرفوض .  "أحترم السكر يحترمك"

طيب لو انا غير معتمد علي الانسولين ليه اعمل كل ده واتعب نفسي . لأن ببساطه لما يكون سكرك منتظم وانت صائم وقبل الوجبات لكن يعلي بعد الاكل = الاكل هو المشكله = محتاج اعدل في الاكل من كميه ونوع كاربوهيدرات , يبقي محتاج وسيله تقيم الاكل ده وتترجمه لحاجه ملموسه اعرف اعدل فيها واتابع بعد كده , 

♦الناس اللي حابه تبدا تعلم معانا سواء حساب الاكل او التصحيح او متابعه انواع الانسولين, اللي هيقرر يشترك يكون عارف ان لحد مانزبط هنلتزم بمرات تحليل يوميه كتيره منها ثابت يوميا :

• صائم 
• قبل كل جرعه انسولين سريع وبعدها بساعتين
• قبل النوم 
• 2-3 الفجر
•  المشتركين انواع انسولينهم تكون 
• قاعدي: لانتوس - ليفيمير - انسولاتارد - هيومالين ن- انسيومان بيزل 
• سريع: نوفو رابيد - ابيدرا - هيومالوج 
• عادي: اكترابيد - هيومالين ر - انسيومان رابيد المفروض يفكروا في تغيير نوع الانسولين وده واضح اسبابه من    الرابــــط

• يهمنا اكلنا نحسب فيه كم جرام كاربوهيدرات لان ده اللي بندي عليه جرعه الانسولين قبل الاكل 
• يبقي قبل الوجبه بربع ساعه مثلا هعمل تحليلي واحسب وجبتي اللي هاكلها هيكون فيها كم جرام كاربوهيدرات
• علشان ادي جرعه اكل مناسبه للجرعه دي يبقي محتاجه اعرف وحده الانسولين السريع هتحرق او.تغطي كام جرام كاربوهيدرات بصفه عامه ..ده اسمه معامل النشويات (الكربوهيدرات)
• يبقي معامل النشويات (الكربوهيدرات) = وحده الانسولين السريع تغطي كم جرام كاربوهيدرات
• ساعتها جرعه الاكل هتكون
•  وحدات الانسولين اللازمه لتغطيه الوجبه = عدد جرامات النشويات (الكربوهيدرات) في الوجبه مقسومه علي معامل النشويات (الكربوهيدرات) بتاعك
• طيب لو سكرنا عالي قبل الاكل او بون اكل هنعمل ايه 
• هنكون محتاجين ندي عدد من وحدات الانسولين هدفها الوحيد و وظيفتها هي انزال السكر العالي ده مره اخري الي 120 اللي هو هدفنا
• علشان ادي الجرعه دي ..اللي اسمها جرعه تصحيحيه ..يبقي محتاجه اكون عارفه تحليل السكر طبعا وعارفه وحده الانسولين السريع بتنزل سكري كم ..او مايعرف ب معامل التصحيح
• معامل التصحيح = مقدار انزال السكر عند اخد وحده انسولين سريع واحده
• عدد وحدات جرعه التصحيح = (تحليل السكر الحالي العالي - الهدف اللي هو 120) ثم نقسم علي معامل التصحيح
• لو قبل الاكل سكرنا 100- 120 = جرعتنا هتكون جرعه الاكل فقط ونحقن قبل الاكل ونستني مدة مناسبه زي ما هنوضح في رابط الأنسولين السريع 
• لو قبل الاكل سكرنا اعلي من 120= الجرعه هتكون جرعه الاكل + جرعه التصحيح وننتظر وقت اطول قبل بدء الاكل
• لو قبل الاكل سكرنا اقل من 100= نخصم من جرعه الاكل او نزود النشويات (الكربوهيدرات)
• لو سكرنا اعلي من 120 ومش هناكل = ناخد جرعه تصحيحه فقط
• فوق 250 لازم نعمل تحليل اسيتون في البول لان لو في الجرعه التصحيحيه بتزيد

الدروس 📌

• مطلوب نشوف الفيديو الملحق في الرابط  أساسيات في الإنـســــولين والســــــكرى

لو في مشكله في تحميل الفيديو معاكم لاي سبب المقال مكتوب هنا

أساسيات في الإنـســــولين والســــــكرى

• فتره شهر العسل لسكري النوع الاول
• شرح للفرق بين طرق حساب الاكل و كيف نحسب الجرعه - يوتيوب

تطبيق إدارة السكري هيساعدك بشكل كبير للتعايش مع السكري 

اصناف الطعام في جداول محسوبه لها لكل صنف متوضح كم كميه النشويات (الكربوهيدرات) والبروتين والدهون فيها

الجداول موجوده هنا 📌 جدول حساب الاكل صور او على التطبيق 

1.  لماذا نحتاج انواع الانسولين المختلفه ؟
2. علي أي أساس تختار نوع انسولين الوجبات / التصحيح؟
3. الأنسولين - عام
4. القاعدى
5. السريع 

        📌  المعاملات 

1.  نسبة الأنسولين الى نسبة النشويات (الكربوهيدرات) او I: C Ratio

1. معامل التصحيح
2.  او على التطبيق  شرح و حساب  

1.  التعامل مع المتبقي من الجرعه او ما يسمي الانسولين المتبقي
2.   على التطبيق  شرح و حساب  
3. طرق إستخدام وتخزين الإنسولين
4.  أماكن حقن الإنســـــــــوليــــــن
5. أضرار عدم تغيير اماكن الحقن
6. إختبار الأسيتون /الكيتون
7. هبوط السكر في الدم
8.  حقنه الجلوكاجون لعلاج هبوط السكر الشديد

•  تطبیق إدارة السكرى  - على متجر جوجل  ھذا التطبیق صمم و نفذ تحت إشراف  مجموعة إدارة السكرى
• رد متجمع لكل تساؤل الأهل مع التشخيص الحديث للطفل

*****

السكري النوع الثاني