وظائف الأنسولين

وظائف الأنسولين

العناصر الغذائية لأى طعام نأكله ، الكربوهيدرات والدهون والبروتين والألياف والفيتامينات وغيرها.

بعد إتمام عملية هضمها أو اثنائها. بيكون ناتج الهضم حاجه اسمها جلوكوز. الجلوكوز ده بيخرج من جدار المعده ويمشي في الدم.

الجلوكوز هو وقود الجسم الأساسي. عشان الجسم يستخدمه صح محتاجين انسولين في الدم يشيل الجلوكوز يدخله الخلايا.

الجلوكوز في الدم . هو سكر الدم اللي بنقيس ارقامه بالجهاز المنزلي.

طيب ليه الكاربوهيدرات تهمنا. لانها لما بتتهضم بتتحول إلى جلوكوز وده اللي بيرفع مستوى سكر الدم , طيب يفرق معايا ايه الجلوكوز.

احنا جسمنا متكون من حاجات صغيره اسمها خلايا . الخلايا في كل مكان في جسمنا واعضائنا الحيويه. الخليه غذاها الاسهل في استخلاصه من الطعام هو الجلوكوز. كل شغلتها انها تاخد الجلوكوز من الدم كمصدر سهل للطاقه من أجل الحياة.

ما يدخل الجلوكوز للخلية ؟ . هرمون اسمه الأنسولين.

ما هي وظائف الانسولين؟

• الوظيفه الاولي

مهمته ان يمسك الجلوكوز ويروح للخليه يفتح باب اسمه مستقبلات الانسولين. ويدخل منه الجلوكوز لجوه الخليه. ساعتها الخليه ترتاح وتشتغل وتقول للدماغ انا شبعانه واخدت طاقتي خلاص

• الوظيفه الثانية

يفضل الانسولين يلف شايل الجلوكوز على كل الخلايا. لما يخلصوا كلهم احتياجهم. يروح الانسولين محول الجلوكوز الزياده ده لدهون ويخزنها علشان الجسم يستخدمها وقت ما يكون مافيش اكل.

يبقي هنا عرفنا الوظيفه التانيه لهرمون الانسولين اللي هي تحويل الجلوكوز لدهون وتخزينها. التخزين ده بيكون في صوره الدهون الثلاثيه واللي من ظواهر زيادتها الجسديه هو زياده محيط الخصر

• الوظيفه الثالثة

نتكلم اولا عن حاجه اسمها الجلايكوجين

الجلايكوجين =  يشكل الجلوكوز وحدة البناء الأساسية في هذا الجزيء (جزيئات من الجلوكوز مرتبطة معا ) الذي يعمل كمخزن للطاقة.

الأنسولين هو الهرمون المسؤول عن تكوين الجلايكوجين في جسم الأنسان، أَمّا الكبد والعضلات فهما العضوان المسؤولان عن تخزينه. وعندما تمتلئ هذه المخازن المتمثلة في الكبد والعضلات، فأن الكربوهيدرات الزائدة لها مصير واحد فقط وهي تحويلها إلى الدهون في الغدد الدهنية والأنسجة وهنا نرجع تاني للوظيفه الثانيه

• الوظيفه الرابعة

الانسولين مسئول عن عمليات البناء في الجسم مثل نمو الخلايا وزيادة عددها، تخليق البروتين وتخزين الدهون.

الأنسولين هو المحرك الرئيسي في تحويل عمليات التمثيل الغذائي من الهدم إلى البناء والعكس. اذن من الوظائف دي نقدر نقول التالي اثر اكل كاربوهيدرات كتير وعمل الانسولين؟

• لما ناكل كاربوهيدرات كتير مع أي نوع سكري =

يوجد فائض من الجلوكوز كناتج للهضم يطوف في الدم وزائد عن احتياج الخلايا وسوف يخزنه الانسولين على هيئه دهون وتكرار ذلك يؤدي لزياده الوزن ودخولنا في نطاق مقاومه الجسم لعمل الانسولين

• الكاربوهيدرات الكثيره ترفع الكوليسترول (الكوليسترول اللي بنقيسه في التحاليل المعمليه ده من الاثر الغذائي لارتفاع السكر واكل كاربوهيدرات أكثر من حاجه الجسم

لما نمتنع أو نقلل الدهون الماكوله الجسم بيخبر الكبد ان احنا في حاله طارئه وعليك كل العمل وانتج لنا كوليسترول كتييير. ده بيتم بعمل انزيم معين (اللي لما الدكتور بيكتب على ادويه الكوليسترول زي ستاتين. الدوا ده بيمنع عمل الانزيم وبالتالي يمنع الكبد كمان يعمل كوليسترول. والادويه دي، بسبب خاصيه العمل دي تحديدا بتاثر على وظائف المخ وبتزود خطر الاصابه بامراض القلب)

يبقي هتبطل دهون وانتي لسه اكلك في الكاربوهيدرات عالي وكمان هيعلي اكتر لان مش بتشبع. يبقي هنا المصيبه

تكل دهون وتفضل تاكل كاربوهيدرات عالي وسكرك كمان ملخبط دي مصيبه أعظم. لانكده الكولسترول اللي طالع من الكبد بيزيد وكمان حوامل الكوليسترول اللي هي LDL HDL بتتاثر وبالتالي بيتكون AGE اللي لما يتاكسد يتكون الاجسام الشارده اللي كلنا عارفين ضررها على كل واي عضو في الجسم

اثر ضعف عمل الانسولين؟

• إذا كانت كمية الأنسولين المتاحة في الدم غير كافية = سواء كان قبل التشخيص أو بسبب جرعه قليله

أو إذا كانت استجابة الخلايا ضعيفة لمفعول الأنسولين = مقاومة الأنسولين

لن يُمتص الجلوكوز بطريقة صحيحة من خلايا الجسم التي تحتاجه ولن يُخزن الجلوكوز في الكبد والعضلات بصورة مناسبة وسيزيد تخزين الدهون الثلاثيه

• استمرار ارتفاع السكر المصاحب لنقص أو ضعف عمل الانسولين =

ضعف تخليق البروتين وبعض اضطرابات التمثيل الغذائي مثل تحمض الدم

اتجاه الجسم لمصدر طاقه بديل لان الجلوكوز غير كافي داخل الخلايا وساعتها كناتج لهضم الدهون بيحصل ظهور الكيتونات ودي ظهورها مع ارتفاع سكر تكون حاله مهدده للحياه

فقد الكتله العضليه ومايتبعه من عوامل خطوره لاعضاء الجسم

اتجاه الكلي لطرد الجلوكوز الزائد عن طريق الكلي ومايتبعه ذلك من الجفاف لكثره التبول وفقد عناصر ومعادن مهمه في الجسم لازمه لاستمرار العمليات الحيويه

المخ والخلايا العصبيه للاسف لا تحتاج للانسولين لادخال الجلوكوز فيها وبالتالي هي أول واسرع عضو للتلف من كثره اندفاع الجلوكوز وتغير حجمها وضغطها على باقي الخلايا

اذن هي معادله مابين مدخول من الكاربوهيدرات مناسب وجرعات انسولين سليمه = حياه صحيه دون مخاطر