فتره شهر العسل

 فتره شهر العسل

 لمستخدمي الانسولين 

بتحصل بعد التشخيص لسبب واحد بس مش ان احنا هنخف بعدها ولا حاجه 

بتحصل لسبب علمي ان البنكرياس بيكون لسه منتج ولو قليل للانسولين وبعد زبط السكر ويعدي كام اسبوع من التشخيص يبدا يبان انتاج البنكرياس ده ..(انتاجيه البنكرياس واثرها الحقيقي علي سكر الدم بتكون مش بياينه بسبب مايعرف بسميّه الجلوكوز او Glucose Toxicity )

بنعرفها ونتابعها بكل بساطه بتحليل السي بيبتايد مع متابعه السكر اليوميه 

مستويات السي بيتايد اللي هو بروتين بيطلع مع الانسولين اللي بيفرز طبيعي ومادام موجود يبقي في انتاج وليه جداول لترجمه قيمه في المعمل 

جرعاتنا واحنا في المستشفي او اي حد مشخص سكري حديثا ولسه بيزبط جرعاته = بتبدا تقل بشده لما ابسكر يبدا يزبط ..ده لان وقت التشخيص كان عندنا حاجه اسمها glucose toxicity ،او سميه من مستويات الجلوكوز العاليه اللي بقالها فتره طويله لحد ماعرفنا ان في سكر ..لما السميه دي بتختفي او تقل الجرعات هتحتاج تقل ،في دكاتره بتخلط بين ده ويين ان احنا في شهر العسل 

شهر العسل ده يساوي ققط ان جسمنا مازال منتج للانسولين لكن بصوره مش كافيه او متذيذبه ..وبنعرف ان كان منتج ام لا من السي بيبتايد

فتره شهر العسل مسجل طبيا اقصي معدل ليه كان 3-5 سنوات 

لو احنا في شهر العسل =البنكرياس لغايه مايتوقف تماما عن انتاج الانسولين نتيجه هجوم جهاز المناعه ..بيكون في اضمحلال في الانتاج اما سريع او بطئ..كل كام يوم او كل كام اسبوع ..كل واحد مختلف 

ايام المرض وجد انها بتسرع العمليه 

وممكن في النص تلاقي اشتغل زياده عن اللزوم ونفس روتينك بقي بيهبط الولد 

يبقي خلاص فهمنا ان مش كل الاطفال هيعدوا بيها 

ومافيش حد بيعدي بيها وبيخف لانه مش مرض مؤقت دي مرحله انتقاليه تطول او تقل مش بادينا اصلا

◄ الاجسام المضاده انواعهم:

• islet cell antibodies (ICA)اجسام مضاده لعمل خلايا الايسلتس اللي من ضمنها خلايا بيتا المنتجه للانسولين   = موجود بنسبه 70-80 % في سكر نوع اول مشخص حديثا

 • Insulin Autoantibodies; (IAA) اجسام مضاده لعمل الانسولين 

 = موجود بنسبه 50% في سكر نوع اول مشخص حديثا في الاطفال ومش شرط في البالغين 

• autoantibodies targeting the 65-kDa isoform of glutamic acid decarboxylase (GAD)

• autoantibodies targeting the phosphatase-related IA-2 molecule(IA-2) 

موجود بنسبه 60% في سكر نوع اول  

•  zinc transporter autoantibodies (ZnT8) مضاف حديثا لقائمه المتابعه الجينيه 

لو موجود في شخص بالغ = LADA 

وده يعتبر سكر نوع أول بييجي في الكبار نتيجة   هجوم مناعي عليخلايا بيتا ودمرها او افقدها وظيفتها 

تحليل ال antibody = الاجسام المضاده 

دا حاجه مختلفه عن تحليل كفاءة البنكرياس " سي بيبتايد "

دول بيتعملو في اول التشخيص زي السي بيبتايد لو عندنا شك في نوع السكر مش وجوده في الاصل + او اعراضه مش واضحه او مش متناسقه مع السن وحدّه التشخيص

♦ اللي سكري نوع اول اي معتمد كليا علي الانسولين ..عنده كل الاجسام المضاده ومافيش انتاح انسولين ..يعني سي بيبتايد هيطلع اقل من الطبيعي صايم وفاطر مع معدلات سكر عاليه طبعا لو كان مبدأش انسولين

او عنده كل الاجسام المضاده ومنتج قليل للانسولين ..انت في الغالب في بدايه التشخيص وهتطون في مرحله شهر العسل 

♦ اطفال =  نوع اول 

الا لو في سمنه مفرطه وتحاليل الدهون عاليه والدهون الثلاثيه والسيبيبتايد عالي = ساعتها فقط ممكن يكون سكر نوع ثاني نتيجه سمنه

♦ T1D is usually characterized by absolute

insulin deficiency and should be confirmed by

the presence of autoantibodies to glutamic acid

decarboxylase, pancreatic islet β cells (tyrosine

phosphatase IA-2), zinc transporter (ZnT8), and/

or insulin (Grade A; BEL 1). Some forms of

T1D have no evidence of autoimmunity and have

been termed idiopathic.

سكر النوع الاول يتميز بوجود الاجسام المضاده المكتوبه اعلاه ووجد فئه قليله لا يوجد عند التشخيص اي منهم وسمي بسكري نوع اول مجهول المصدر (من تعريف جمعيه السكر الامريكيه و رابطه اطباء الغدد الصماء الامريكيه)

♦   NEONATAL DIABETES

 نوع سكري يصيب الأطفال اقل من ال٦ شهور وله أسباب اخرى غير السبب المناعي

دول الفئه الوحيده في الاطفال اللي ممكن يختفي السكر وبيرجع للاسف في الاغلبيه يرد تاني عند البلوغ او الشباب كسكر نوع اول او ثاني وساعتها يندرج تحت بند سكر نوع MODY

MODY أو (Maturity onset diabetes of the young) 

سكر نوع تاني بييجي في الصغار او وقت البلوغ  نتيجة  طفره جينيه ولازم يتاخد تاريخ اسري جيد لانه بيكون وراثي 

♦ لا يوجد اجسام مضاده وشخص بالغ وفي انتاج سي بيبتايد  = سكر نوع ثاني 

♦ لا يوجد اجسام مضاده او بس GAD65 =LADA

LADA أو (Latent autoimmune diabetes in adults)

 وده يعتبر سكر نوع أول بييجي في الكبار نتيجة   هجوم مناعي عليخلايا بيتا ودمرها او افقدها وظيفتها 

♦ يوجد بعض الانواع وعمرك في سن الشباب او البلوغ اوتحت الاربعين = حسب تحاليل السكر ةالتراكمي والسي بيبتايد والاجسام المضاده هتكون خطه العلاج بين تنظيم غذاء واقراص او انسولين 

الاجسام المضاده بتكون موجوده قبل واثناء الاصابه مليون في الميه لكن بعدها بفتره ممكن نيجي نعملها نلاقيها مش موجوده لالن خلاص الهجوم المناعي اكتمل ومافيش داعي لوجودها